Ib pliag twb yuav txog
Lub caij wb sib ncaim
Ua zaj twg
Los tsis zoo kuv lub siab
Cia kuv puag koj
Ua zaug kawg

Xav cheem lub sij hawm
Nrog koj nyob me me ntxiv
Tsam yuav ntev ntev
Wb mam rov tau sib ntsib
Ziag no txawm yuav sib
Ncaim tiag tiag li

Dua rhe nplooj siab
Yuav tso koj cia
Dua rhe nplooj siab
Yuav mus tiag tiag
Dua rhe nplooj siab
Ntshe yuav tsis pom
Dua rhe nplooj siab
Yuav mus tseg koj

Hauv kuv lub siab
Ntshe yuav nco ntsoov
Koj lub suab luag
Nco koj tus duab
Ntshe yuav ua hnub
Ua hmo tshua
Laj suav txog
Hnub rov tau
Tau tuaj ntsib koj

(38 Votes) 1 2 3 4 5