Txij thaum kuv pom koj
Kuv twb nyiam koj lawm
Es kuv thiaj qhia kuv rau koj

Los koj twb tsis paub
Es koj thiaj pheej hais
Cia wb ua phooj ywg ua ntej tso

Koj puas paub hais tias kuv
Xav hlub koj ib leeg
Kuv twb tsis xav ua koj phooj ywg

Chorus
Kuv xav ua tus neeg koj hlub
Kuv xav ua tus nyob hauv koj siab
Kuv xav ua tus koj nco
Kuv xav ua tus koj npau suav txog
Kuv xav ua tus koj xav txog
Qhov ntawd thiaj yog qhov kuv xav tau

Es koj puas paub txog tias kuv hlub koj
Koj puas paub txog tias kuv nco koj

Ua cas koj pheej hais tias kuv yog koj tus phooj ywg
Qhov ntawd yog qhov kuv tsis xav hnov
Qhov kuv xav hnov ces yog hnov koj hais tias hlub kuv
Qhov ntawd thiaj ua kuv zoo lub siab

Chorus
Kuv xav ua tus neeg koj hlub
Tsis xav ua koj phoojywg ntxiv lawd
Vim tias kuv hlub koj tshaj txhua yam
Thiab kuv tsuas hlub koj ib leeg
Nyob rau ntiaj teb no
Koj yog tus kuv hlub tshaj txhua tus

Yog koj tsis xav hlub, hais kiag qhia rau kuv
Tsis txhob pheej hais tias ua phooj ywg
Vim kuv xav hlub koj, kuv xav ua koj tus
Kuv thaij li hu tuaj qhia rau koj

Es koj puas paub txog, tias kuv hlub koj
Koj puas paub txog tias kuv nco koj
Ua cas koj pheej hais tias kuv yog koj tus phooj ywg
Qhov ntawd yog qhov kuv tsis xav hnov

(24 Votes) 1 2 3 4 5