cia kuv noog kuv lub siab tso
ua ntej thaum yuav rov qab hlub koj os
vim kuv ntshai tsam koj rov qab los dag
lub caij ua tsis muaj koj nyob
kuv lub kua muag los tws tsis muaj tus so

thaum kuv pom koj lub kua muag los
yeej xav los ua tus so
ua tus nyob ntawm koj ib sab leej nus
tias sis xav txog thaum koj fee hlo
tsis tig rov qab los lub siab puas tag

tus neeg zoo thov txim yav tag dhau los
qhov tau ua rau koj lub kua muag poob
vim ncaim koj mus zaum ntawd
tsis muaj sij hawm qhia koj os
hnub no kuv thiaj xav los thov hlub dua

tso siab rau kuv thiab mas leej muam
yuav tsis puv koj lub kua muag
los ntxiv zoo li yav tag dhau los
yuav los hlub koj pauj yav tag
yuav los ua tus so koj lub kua muag
txij li hnub no mus lawm yav tom ntej

ib lub siab hlub koj
ib lub siab ho ntshai
tsam koj rov qab los dag zoo li yav tag
yuav hlub yuav tso cia
kuv xav hnub no tso puas tau

tso siab rau kuv thiab mas leej muam
yuav tsis pub koj lub kua muag
los ntxiv zoo li yav tag dhau los
yuav los hlub koj pauj yav tag
yuav los ua tus so koj lub kua muag
txij li hnub no mus lawm yav tom ntej

yuav hlub yuav tso hnub no cia kuv xav tso
ua ntej yuav rov qab hlub koj os

(73 Votes) 1 2 3 4 5