Kuv tsis paub tim li cas
Thaum koj nug kuv li ko
Vim kuv xav txog ntau yam
Ntawm wb txoj kev phooj ywg

Kuv tshai tsam muaj lwm hnub
Wb txoj kev hlub mus tsis tau
Ces nws yuav ua rau wb sib ntxub
Wb txoj kev phooj ywg yuav plam mus

Tsis yog kuv tsis nyiam koj
Tsis yog kuv tsis xav tau koj
Kuv yeej nyiam koj rau hauv kuv lub siab
Tabsi wb twb yog phooj ywg ntev lawm

Chorus:
Cia kuv ua koj tus phooj ywg xwb
Ntshe yuav zoo tshaj qhov wb sib hlub
Cia kuv ua tus phooj ywg ntawm ib sab
Mus ib txhis thiaj muaj txoj kev pab
Cia kuv ua koj tus phooj ywg
Lwm hnub thiaj tsis muaj kev sib tso
Yog thaum koj los lub kua muag
Koj tus phooj ywg nyob ntawm ib sab

Kuv yeej ib txwm ntseeg tias
Kev hlub piv tsis tau kev phooj ywg
Vim kev phooj ywg nyob muaj mus ib txhis
Kev hlub nyob mus nws yeej txawj ploj

Txhob xav li cas rau kuv
Vim txoj hmoo tsis ua txoj kev ntxub
Thov koj nco ntsoov tias
Koj tus phooj ywg nyob ntawm ib sab

Tsis yog kuv tsis nyiam koj
Tsis yog kuv tsis xav tau koj
Kuv yeej nyiam koj rau hauv kuv lub siab
Tabsi wb twb yog phooj ywg ntev lawm

Chorus

Kuv paub yeej mob koj lub siab
Yeej mob kuv lub thiab
Tabsi nws yog ib txoj kev pab kom
Lwm hnub wb txhob mob siab tshaj qhov no

Chorus x2

(12 Votes) 1 2 3 4 5